img{margin:0
auto 0 0}@media (max-width:767px){.tdi_9.td-a-rec-img{text-align:center}}
Recientemente Tweede Kamer a haya contesta di pregunta cu e Haasen (PVV) a haci riba e instabilidad politico y corupcion den e area Caribense di Reino Hulandes.
img{margin:0
auto 0 0}@media (max-width:767px){.tdi_8.td-a-rec-img{text-align:center}}
Zsolt Szabó ta, Secretario di Estado encarga cu Asuntonan di Reino, aparentemente ta contemplando pa monitor e situacion aki por medio di Transparency International cu cual organisacion e ta den combersacion.
Esaki ta e pregunta y contestanan:
Pregunta1: Bo ta na altura di e situacion politico instabil y corupcion amplio den e paisnan autonomo den nos Reino?
“Si mi ta na altura di e acontecimentonan cu bo ta referi na dje.”
Pregunta 2: Bo ta comparti e opinion cu bo metanan di bon gobernacion, maneho financiero solido y economia sostenibel solamente ta alcansabel cu un gobierno integro cu ta liber di corupcion?
“Si. Un estado di derecho cu ta funciona bon ta e principal condicion pa un comunidad sigur y stabiel, desaroyo economico stabiel y finanza gubernamental controlabel.”
Pregunta 3: Bo ta mira un rol di parti di Gobierno Hulandes pa monitor corupcion y integridad den e paisnan autonomo denter di nos Reino, segun e mesun criterionan manera di Transparency Internacional?
“Monitoreo di corupcion y integridad ta un asunto autonomo di e paisnan. Pero si mi ta duna hopi importancia na colaboracion riba e tereno aki den Reino, pasobra un bon gobernacion ta un condicion sigur pa un gobernacion autosuficiente.
Por lo tanto, den e carta pa Parlamento riba e resultadonan di reevaluacion di e compromiso Hulandes cu e Estado di Derecho, mi ta anuncia cu lo reforsa e esfuersonan den e ambito di integridad. Binnelandse Zaken ya caba tur aña ta pone un miyon euro disponibel pa iniciativanan cu e meta pa enfoca riba e parti administrativo pa contra-ataca e minamento di bon gobernacion. Mi departamento tambe ta facilita e plataforma di integridad di Caribe Hulandes pa intercambia conocemento y experencia den Reino. . Den e contexto aki, na november awo lo tuma luga na Sint Eustatius e di dos cumbre cu ta hiba e nomber “Integrity Summit Dutch Caribbean”.
Mescos mi ta haya deseabel cu e estado di integridad den e diferente partinan Caribense di Reino – mescos cu na mayoria pais – ta wordo monitorea. Door di esaki por compara e funcionamento riba tereno di integridad y bon gobernacion cu otro pais- y islanan den Reino y den area Caribense.
Den e siguiente periodo mi kier discuti hunto cu Aruba, Corsou y Sint Maarten kico ta necesario y kico e lo trece cu ne pa e partinan Caribense di Reino uni na e index- y sistema di monitornan existente riba tereno di integridad y bon gobernacion.
Den cuadro di integridad Transparency International ya caba a laga haci un “National Integrity Assessment” na Curaçao (2013) y Sint Maarten (2015), pero no a haci e investigacionnan aki periodicamente y na Aruba, Corsou y Sint Maarten, pa motibonan metodologico, no ta inclui den e “CorruptionPerceptions Index” (CPI). Bonaire, Saba y Sint Eustatius tampoco ta parti di TI su investigacion. Na e momentonan aki mi ta den combersacion cu Transparency International y ta sondea e posibilidadnan.
Tambe mi kier pa den cuadro di e monitoreo menciona e Tratado di Nacionnan Uni contra Corupcion (UNCAC). E tratado aki ta obliga e paisnan pa implementa medidanan cu ta combatiden tur sorto di forma e corupcion.
Banda di esaki ta tuma luga monitoreo periodico for di UNCAC. Hulanda a ratifica e tratado aki, Mki ta hay’e un desaroyo positivo cu na inicio di maart 2024 Conseho di Minister di Corsou a bay di acuerdo pa cuminsa cu e proceso di ratificacion di e Tratado di Nacionnan Unico contra Corupcion (UNCAC).
img{margin:0
auto 0 0}@media (max-width:767px){.tdi_10.td-a-rec-img{text-align:center}}
Comment