SADA: Cantidad di caso contra ambtenaar den corte a aumenta drasticamente

Desde e tempo ey, a bin conoce un aumento drastico di caso contra di ambtenaar. Ta tristo pa bisa, cu esaki ta un ehempel di persecucion inhusto. Recientemente, Directie Wetgeving en Juridische Zaken (DWJZ) a sali bisa cu nan tin mas di 50 porciento gana di nan casonan, cual ta algo tristo di bisa. Pasobra cu ora cu bay corte contra di un ambtenaar, como un dienst integro, e mester ta sigur di kico e ta haci. No por straf un ambtenaar pa loco.

Ta bay corte y ta gana den corte tambe, pero Land Aruba ta apela y ta bay Hoger Beroep, unda cu un biaha mas ta nan ta perde e caso aki tambe. Asina tambe tin mas di e casonan asina. Esey ta tarea di sindicato ta pa para pa su miembronan, contra di persecucion inhusto di e ambtenaar na pia di trabou.Esaki ta loke SADA ta denuncia. Land Aruba no ta haci nada contra director cu, contra ley, a haci peticion y a zorg pa un colega haya un nombracion den un rango contra ley. Despues Land Aruba ta perde e caso den corte y ora cu yega den Caso di Apelacion, ta yega na un deal dudoso, ta yega na un deal cu ta paga tur su gastonan di corte pa e no a acepta e rango aki.