Ryçond Santos do Nascimento (AVP): Habitante ta bira malo mientras gobierno kier tapa cos

Den declaracion emiti diahuebs mainta pa parlamentario dr. Ryçond Santos do Nascimento, miembro di fraccion di Partido di Pueblo Aruba (AVP), Gabinete Wever-Croes II ta continuacion di loke nos tabata tin 5 aña largo y te awe nos no a wak un gezondheidseffect screening pa sa kico ta e impacto di e mal maneho di desperdicio riba salud di hende. 

E parlamentario di oposicion ta referi specialmente na e impacto riba e personanan cu ta biba den bisindario di Parkietenbos y specialmente riba e impacto di salud di hende cu ta baña na lama. Santos do Nascimento ta considera esaki necesario pasobra ta conoci danki na rapportnan di PAHO y di Carmabi cu e mal maneho di desperdicio na Aruba tin impacto riba salud di hende. 

“Nos tin un gobierno cu a purba di tur manera pa mantene e topico aki keto. Awo atrobe niun hende no ta papiando di dje, pero mientrastanto tin hendenan ta birando malo y tin hendenan cu algun cosnan cu, porta bo ta bisa menos erg; por ehempel, problema di cuero, pero nos no sa kico ta e problemanan di cancer, nos no sa kico ta e problemanan di infeccion, nos no sa e problemanan unda cu un persona cu ta traha ta bay riba dump ta bay su cas bek pega su señora, pega su yiunan; anto tur e problemanan ey pa kico? Pasobra nos no ta hinca placa den un estudio pa nos sa kico ta e efecto di e mal maneho di desperdicio riba salud di hende y asina nos no por sigui,” segun e parlamentario.

Pa e relato completo, lesa TREMPAN