News

Rudy Lampe (RED): No por keda tapa mal maneho di SKOA cu placa di pueblo

/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}

Manera ta conoci, SKOA a perde otro caso den e asunto di werkster, pero loke no ta conoci ta cu awo SKOA ta bay enfrenta decenas di caso di e otro werksternan. E ta logico, si un werkster a gana, e sentencia ta bay conta pa tur otro werkster di SKOA. Gobierno a haci un ultimo intento pa scapa SKOA prome cu e perde saco cu cangreu.

/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}

Diaranson ultimo Minister Endy Croes a reuni cu SKOA y den medionan a sali un comunicado cu e reunion a bay den bon ambiente. Minister Croes hunto cu Prome Minister a pidi SKOA pa duna gobierno te diabierna cu a pasa pa gobierno bin cu extra subsidio pa toch yuda SKOA scapa su cara. SKOA di su banda a pidi e werksternan y SEPPA pa wanta cu nan casonan, pasobra gobierno lo fix un ke otro. SEPPA a honra e peticion di SKOA, cu a actua riba peticion di Prome Minister y Minister Endy Croes.

Diabierna a yega y Conseho di Minister no por a haya e formula pa pone mas placa disponibel pa SKOA. Y ta logico, CAft y Conseho di Minister di Reino ta hopi cla den esaki: no por aumenta gasto innecesario di gobierno. E otro directivanan di scol lo pidi trato igual, kiermen ta trata di miyones. Esaki ta nifica cu no tin scapatoria pa SKOA y toch Prome Minister y Minister Croes ta sigui ripiti e mentira na SKOA y SKOA ta keda hunga e wega: gobierno ta bay busca un manera pa fix esaki.

E wega cu Prome Minister y SKOA ta hunga por describi dje manera aki. Un ladron a drenta bo cas pa horta bo pertenencianan y abo, como doño di cas, ta yuda e ladron saca bo pertenencianan fo’i bo cas y pone nan den e pickup di e ladron. SKOA a mal gasta placa di pueblo contra ley y MinPres ta purba tur manera pa yuda SKOA con pa get away cu ne. Increibel. Prome Minister y SKOA kier pa pueblo paga pa e mal maneho di SKOA.

Prome Minister ta keda priminti SKOA, a pesar cu e, como hurista, sa cu SKOA a actua contra ley. Tin tres sentencia di tres diferente hues caba cu ta confirma esey. DJWZ, cu ta cay bao responsabilidad di Prome Minister, ta envolvi pa duna conseho con por scapa SKOA. DJWZ no por a haci otro cu ripiti: ley ta ley, no tin chens pa SKOA gana y SKOA mester cumpli cu ley. Manera mi a bin ta bisa for di hopi tempo caba. Pero Prome Minister ta sigui hunga politica, sin importa e daño cu e ta causa na interes general, e werksternan y SKOA mes. Minister Croes y Prome Minister ta bay asina leu di kier uza placa di pueblo pa tapa e mal maneho di SKOA. No por.

/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}

Comment

Your email address will not be published. Required fields are marked *