Rudy Lampe: No haci politica cu problema di docente sin trabou

Partido RED a tene nan rueda di prensa semanal. A bolbe bay riba e problemanan cu nan a tende di e docentenan cu a gradua di IPA y nan ta sin trabou. Partido RED a trece solucion p’esaki.

dr. Rudy Lampe, miembro di partido RED, a indica cu algun ora despues di haci esey, minister Endy Croes di MEP a yama nan aden, algun ora despues mr. Mike Eman a yama nan aden. Aki por mira con e dos partidonan grandi tradicional ta opera. Ta haci politica cu e problema, pasobra realmente nan no a bin cu solucion p’e problema aki. Nan si a trece dilanti.

Por mira con RED ta soluciona problema, pero con den prensa minister Endy Croes a duna indicacion den ki direccion e kier solucion’e. El a bisa cu nan ta studiando di ofrece contract di un of dos aña pa algun trabou cu no ta di docente. Kiermen ta aumenta presupuesto di Aruba djis pa keda popular pa no perde voto of haya mas. Di otro banda RED a ofrece solucion cu ta budget neutral y no ta aumento di presupuesto di pais Aruba. Tambe un miho solucion pa e grupo aki grandi di docente reciente gradua.

RED a tuma cuenta di e tendencia nobo cu tin na Hulanda. Instituto pedagogico na Hulanda ta forma docente cuater y ocho, esta e docentenan cu ta gradua aworaki na algun instituto pedagogico, por ta emplea pa e muchanan di cuater te cu diesocho aña. Por haci esey pa dos motibo, cual e prome ta e realidad di scarsedad di maestro a motiva pa bin cu innovacion, pero tambe e mundo a cambia. Pedagogicamente mester haci cierto cambio, mirando cu un mucha of hoben tin tur conocemento den su man. E ta uza Google y aki tin tur informacion. Segun Lampe, e maestro no tin mas pa siña conocemento of materia, e rol a bira cu e maestro ta e motivador. E tin di motiva e mucha of un hoben. Un mucha motiva ta siña tur cos di su mes.

Pa mas lesa TREMPAN.COM.