Rubiano a bira ehempel mundial con pa yuda eleva otro

Carmelita Haynes no ta un persona desconoci riba nos isla. Pa hopi aña el a fungi como parlamentario, pero tambe e ta hopi bezig den e mundo di softball femenino di little league y tambe e tabata juffrouw di scol. Recientemente un documentario riba Scientology Network a enfoca riba Haynes y su trabounan pa comunidad. 

E documentario, Haynes a splica, ta papia di su bida, di unda el a bin y unda e ta awo. Haynes ta Presidente di HOPEx (Help Our People Excel) y na cualke manera e ta purba yuda hende semper. E idea di e documentario a bin for di e barco Freewinds, unda cu e tabata parti e buki ‘The way to happiness’. Un buki cu e ta kere aden. For di rond di 2009, Haynes ta bezig ta reparti y den e ultimo añanan el a traduci e buki aki, danki n’e sponsor di un señora riba barco. Meta tabata ta pa traduci e buki na papiamento y cu e señora lo yud’e pa e haya 30 mil copia, cual el a cumpli cu ne tambe. Y te awe, Haynes a bisa, e ta partiendo e buki aki. 

HOPEx

Prome cu el a funda HOPEx, tur aña e tabata bay un conferencia di ‘People of Color Conference’, di tur rasa y color, cu ta hendenan profesional, cu ta reuni pa papia di tur e problemanan den comunidad, con pa atende cu e problemanan aki y kico tin eyfo pa yuda bo cu e problemanan cu tin. Semper e tabata activo den comunidad. Nan a conseh’e pa e lanta un fundacion unda cu e por documenta tur loke e ta haci, paso sino tur su trabou lo bay perdi. P’esey el a cana su caminda pa e lanta e fundacion. Y den e fundacion aki e tabata haci tur preparacion pa mas tanto pa e hobennan y e hende muhe pa nan bay dilanti pa nan ‘excel’, cu ta nifica bira miho. Help Our People Excel ta nifica yuda nos hendenan bira mas miho.

Pa mas, lesa TREMPAN.