Rolando Maduro (SPA): Gobierno kier polis comete atraco pa haya su salario

Dialuna durante rueda di prensa di Sindicato den Union, Sindicato di Polis Arubano a mustra nan malcontento cu e maneho di overtime cu gobierno a introduci. Un pregunta cu nan tin ta ki momento gobierno a gaña, pero tambe con nan por garantisa siguridad di ciudadano.

Rolando Maduro, vice-presidente di SPA, a indica cu ora di scoge pa ta neutral den un situacion di inhusticia, ya caba a scoge p’e opresor. El a duna un ehempel ora pone como front den media di tres polis involucra den atraco riba un banco of supermercado. E sindicalista ta puntra si esey ta loke e gobierno kier, esey ta loke pueblo ta spera di nan. E ta laga e contestanan aki pa cada ken contesta.

Incluso el a bay riba e parti di estadistica cu nan no ta haya nan salario completo, nan no ta mendiga pa nan salario. Nan tin mas cu dos aña y mey cu 12.6% menos den cuminda na cas pa nan famia. Segun Maduro, nan ta bringa pa nan derecho y gobierno a debolbe 5% di esey pero falta e 7.6%. Pa mas cu dos aña y mey a kita 12.6% fo’i nan y di nan famia. Na ningun momento a puntra nan con nan por sobrevivi cu esey, cu menos placa, menos presupuesta den nan cartera.