News

Richard Frank (VWI) na Ton Rojer (Utilities): Publica e rapport!

/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}

Den un comunicado di prensa di 22 di september 2022, Anthony (Ton) Rojer, director di Utilities Aruba  N.V. un biaha mas ta purba sali den publico manera e gran ‘angel protector’ di tur cos cu ta di haci pa cu good  corporate governance, futuro energetico di Aruba, y trahamento hunto cu WEB y Elmar. Nada por ta mas leu di  e berdad y Ton Rojer den su comunicado di prensa un biaha mas ta purba strooi santo den wowo di pueblo. Ban pone e cosnan manera cu realmente nan ta:  

/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}

1. “WEB y ELMAR ta trahando hunto cu Utilities den ekipo pa combina idea, experticio y  recursonan”: Esaki ta leu di e berdad. Pa cu e relacion entre Utilities cu Elmar VWI no por bisa  mucho pasobra VWI no ta forma parti di Elmar. Pa loke ta e “trahando hunto den ekipo” entre Utilities y  WEB, esaki no ta berdad. Tur expertonan profesional tecnico y operacional ta miembro di VWI y tur ta  trece dilanti cu nan involvimento den traha e rapport cu Utilities y Project Consulting Global S.A. di Angel Abreu tabata minimal y sumamente marginal. WEB ni sikiera a haya e rapport pa review  prome cu Utilities a core saca su EOI pa expansion di molina di biento na Rincon. Esaki ta manera di  traha hunto?  

2. Utilities Aruba NV ta propaganda un tal “Plan Nacional di Energia di Gobierno”. Si Rojer kiermen  cu e “plan nacional di energia” aki e “nationaal energiebeleid”, anto e ora eyden si WEB a participa y duna input. Sinembargo, e rapport di Abreu su compania fantasma tin cierto elemento aden cu  no ta cuadra en absoluto cu e vision poni den e “nationaal energiebeleid” cu WEB a participa aden.  Atrobe, unda por haya e “Plan nacional di Energia” aki publicamente? Mi ta sigur cu pueblo kier sa.  Por ta Rojer por bisa nos?  

3. Tin un Non-Disclosure Agreement (NDA) ‘diki-diki’ poni riba e zogenaamd rapport “Dicarbonization  Path” cu Utilities Aruba NV a laga traha door di e compania “fantasma” di Angel Abreu, esta  Project Consulting Global S.A. VWI ta puntra su mes pakico tanto secrecia? Pakico tanto hush-hush?  VWI ta reta Anthony “Toon” Rojer, director di Utilities Aruba NV, pa pone e rapport aki di Project 

Consulting Global S.A. publico (dus anula e NDA) pa asina VWI por manda copia di e rapport aki pa  un compania di consulting tecnico di berdad pa nan duna nan expert opinion riba e contenido di e  rapport. E ora nos por mira ki “rapport cijfer” e rapport di Utilities cu su amigo Abreu ta haya. In ieder  geval e rapport cijfer di nos expertonan na WEB ta un dikke onvoldoende. Si ta asina confiansa  Rojer tin den su rapport y plannan, e ora pone e rapport publico!  

4. Last but not least, e feit cu Utilities Aruba NV ta posee 100 porciento di e accionnan di WEB no ta  duna Ton Rojer ningun derecho pa bay haci actonan comercial di cual ni e statutonan di Utilities Aruba NV y ni e vestigingsvergunning ta duna e permiso p’e. Utilities Aruba NV como accionista y conform  su statutonan y vergunning tin un rol cla y raspa den e corporate governance di Utilities, WEB y Elmar y e rol aki no ta encera haci e actonan comercial manera cu Ton Rojer ta haciendo cu e EOI di molina di  biento.  

Si, Richard Frank ta presidente di VWI y den e hoedanigheid aki e ta vocifera e opinion y sentimento di tur  nos miembronan. E opinion di nos 72 miembronan (72 di e 92 empleadonan cu un contrato individual)  unanimamente no ta mucho bon pa motibo di e mediocridad cu Utilities Aruba NV ta haciendo. Nos ta urgi un  bes mas pa Utilities stop e EOI di molina di biento y ta reta Utilities pa kita e NDA for di riba e rapport y hacie  alcansabel pa tur hende por mira e contenido di dje. Ton Rojer ta propaganda di ta traha hunto cu WEB? Wel,  ban cuminsa cu un bon transparencia! 

/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}

Comment

Your email address will not be published. Required fields are marked *