Ricardo Croes (RED): Ningun candidato di RED Democratico tin fundacion pa haya placa

Durante conferencia di partido RED Democratico, lider di partido a bay riba e caso di Avestruz, di cual e sospechoso ta parlamentario Benny Sevinger. Despues di a tende declaracion di e parlamentario, segun e lider di RED Democratico, nan si no ta manera e otro partidonan.

Ricardo Croes, lider di RED Democratico, a bisa cu ta “pasa dushi cu patrimonio di pueblo.” El a indica cu e caso di Benny Sevinger ta uno asina grandi cu a partie den diferente parti. E fechanan di 7 y 8 di september a tuma luga e prome caso, unda cu algun comerciante a presenta dilanti hues. A cuestiona e posicion politico di Sevinger.

El a sigui indica cu e parlamentario a declara cu ta masha normal cu politico por tuma placa fo’i comerciante, esta suma astronomico di decena di miles di florin. Tambe di pretende di ta un politico integro cu e placa aki no tin nada ke haber cu fabor politico. Ta djis placa nan a dun’e, pasobra ta admira su persona como politico y no ta spera nada a cambio.

E parlamentario a declara cu ora e tabata traha como minister, e tabata simplemente firma e documentonan cu tabata bin. E no tabata mira di ken of con nan tabata, pasobra esey tabata un discriminacion. E parlamentario aki ta splica pueblo den un forma, no solamente cu su hendenan, pasobra el a saca un asiento pa mira con Aruba ta, cu tur politico ta manera su persona.

Segun Croes, partido RED Democratico a tuma distancia n’e declaracionnan ey. Ningun momento den e partido RED Democratico tin un candidato cu tin fundacion cu ta tuma placa manera e partidonan AVP, MEP y e otronan.

Pa mas lesa TREMPAN.COM.