Riba shen auto den parkinglot: Polis a bay controla pa permiso di evento y a resulta cu no tin

Patruya di diferente disticto a bin duna un man pa asina pidi tur hende pa bandona e sitio. Esaki tabata parce di tabata un carshow ilegal.

Diadomingo anochi den careda di 8:30 pm a bin topa cu un gran cantidad di auto y brommer, riba shen auto, den e parkinglot di un establecimento nobo den e area di Cumana. Ademas por a tuma nota di hopi hende presente den dicho actividad.

Na yegada di polis, a duna di conoce cu nan tabatin permiso di e propietario pero una bes cu a pidi pa vergunning, e evento mester a caba inmediatamente como cu nan no tabatin esaki.

Algun vehiculo no tabatin lo necesario na ordo, manera entre otro number di auto, luz drechi na bicicleta electrico, luz biña cu no ta permiti y algun cu no por a comporta nan mes y tabata drift den e area.

A tarda un poco pero a logra pa tur hende bandona e sitio. No a tarda mucho cu a indica e mesun grupo grandi aki den area di Eagle caminda un biaha mas mester a bay atende cu na.