Reunion entre Minister di GMN i Asosashon Dòkter di Kas (CHV)
Willemstad – Awe mèrdia Minister Dorothy Pietersz- Janga huntu ku su ekspertonan tabatin un reunion ku Asosashon Dòkter di Kas pa asina yega mas pronto posibel na un “huisartsenpost” pa Kòrsou.
E huisartsenpost mester duna akseso na kuido na pueblo durante oranan di anochi, wikènt i dianan di fiesta.
Esaki mester remplasá e asina yamá dòkter na warda.
Di e forma aki Minister Dorothy Pietersz-Janga lo sòru pa e persona ku bira malu no mester keda yama mas pa dòkter di kas sino e mes por yega na e sitio sentral kaminda e huisartsenpost ta ubiká.
Otro siman Ministerio di Salubridat i representante di dòkternan lo bolbe reuní pa sigi ku e diferente tareanan pa por kristalisá e huisartsenpost.
E intenshon ta pa kuminsa ku esaki mas pronto posibel
