Minister Shalten Hato
Reunion di Minister Hato i delegashon ku DIMAS (Departamentu di Integracion, Maneho y Admicion di Stranhero)
Den kuadro di Minister Hato su bishita na Aruba, Minister i su delegashon a reuní ku DIMAS (Departamentu di Integracion, Maneho y Admicion di Stranhero).
Minister i su delegashon a haña un presentashon ekstenso di lokual DIMAS ta hasi kual ta enfoká riba migrashon, konteksto legal, tratadonan, proseso administrativo di detenshon i varios otro topikonan.
DIMAS ta traha ku un sistema outomatisá kaminda varios instansia di gobièrnu manera entre otro Wardakosta i dDepartamentu di Impuesto por tin akseso di datos di personanan ku hasi petishon pa pèrmit di estadia. Den e sistema aki mes Departamentu di Impuesto por duna komentario ora e persona hasi petishon pa un pèrmit di estadia pa traha. Por ehèmpel si e ta aktivo/konosí i si e kompania en kuestion kaminda e ke bai traha ta pagando su impuesto i primanan sosial.
Kuminsando den fëbruari 2023 DIMAS ta bai kuminsa k’un maneho nobo kual nan lo kompartí ku e tim di maneho di Toelatingsorganisatie di Kòrsou. Direktora sra. Ruiz-Paskel di DIMAS i direktora sra. Nicolaas di Servisio di Admishon di Kòrsou a gradisí otro pa e koperashon ekstenso den lastu añanan i a komprometé nan mes pa intensivá e kolaborashon.
