Na: Presidente di Parlamento di Kòrsou
Sra. Ch. America-Francisca
Wilhelminaplein 4
Presente
Willemstad, 20 sèptèmber 2022
Tópiko: Reunion di komishon sentral riba e kuenta i relato anual di SVB 2021
Apresiabel Sra. America-Francisca,
Parlamento riba e fecha 18 di yüli 2022 a risibí, di minister di SOAW sra. Larmonie Cicilia, e kuenta i relato anual di SVB.
SVB ta ehekutá e diferente leinan sosial. Entre otro e fondonan ankra den e ordenansanan di seguro básiko (BVZ), AVBZ i AOV. Durante e último añanan tabatin diferente desaroyo den e fondonan aki. E fondonan aki ta forma parti di e schommelfonds i nos ta mira ku e plaka den e schommelfonds ta bahando drástiko. Suskritonan ta mira ku e ‘Schommelfonds’ ta birando dia pa dia mas bashí. Esaki ta komo konsekuensia ku Gobièrnu su kontribushon na e fondo aki kada bes ta bira mas haltu pa mantené e balansa.
Abase di e resultado den e relato i kuenta riba gastunan di salubridat i tambe gastunan di penshun e ta nesesario pa nos komprondé e maneho ku a keda hibá den aña 2021 pa loke ta SVB en general. Tambe nos ke deliberá riba kua ta e plannan pa futuro pa por garantisá kontinuidat di nos fondonan den salubridat i tambe e fondonan di penshun.
Pa medio di esaki i hasiendo uso di artíkulo 33 di nos Reglamento di Òrdu nos ta pidi sra. Presidente pa yama un reunion di komishon sentral ku e tópiko: “Deliberashon riba e kuenta anual di SVB 2021 pa loke ta gastunan di salubridat i tambe gastunan di penshun.” Ademas nos ta pidi presensia di minister di GMN, Minister di SOAW i representante di SVB.
Atentamente,
Frakshon di PAR
Zita Jesus-Leito, MBA Ana Maria Pauletta Quincy Girigorie
