Rene Kock (ReD) Gabinete Wever-Croes ta sin vision

Durante un conferencia di prensa recien di partido ReD, Rene Kock kende ta presidente di e partido a duna di conoce cu tanto AVP como MEP a goberna sin vision. Kock a elabora riba e asunto di importa hende pa traha den sector di HORECA. Kock a menciona cu tin varios hotel den construccion y no ta mira e interes den nos hobennan pa bay traha den e sector hotelero.

Kock a menciona cu tanto e gobierno di signatura berde como geel a traha sin vision. E unico area caminda tin vision y un plan cla, ta; enseñansa. Kock ta remarca cu enseñansa tin un plan di por lo menos dies aña cla, pa locual ta e vision. Si mira den e area di otorga tereno, aki tampoco ta haciendo nada, pa cual tin nos economia stagna. Si mira agricultura, apart di promocion, no ta mira un plan cla pero no tin nada di contenido. Kock ta puntra si Minster Endy Croes a sigui ehecuta e plan cu Lampe a laga cla. Pues, na final por conclui cu e gabinete ta trahando sin vision pa futuro y no tin ningun plan cla.