Renaissance Convention Center den remodelacion total

Hunto cu Richelyn Kock di Renaissance Convention Center a haya un recorido door di e facilidad mientras cu e ta pasando den trabou di remodelacion. En berdad por a tuma nota cu tin hopi trabou andando. Por a compronde cu tur cos ta canando segun schedule y cu Renaissance Convention Center lo keda pa fin di october proximo cu un look completamente nobo. “Ful algo diferente cu cual ta desea di haci cosnan mas grandi y mas varia pa e clientenan”, asina Kock a duna di conoce.

El a splica cu den pasado a yega di cambia tapijt dos biaha den e convention center. Sinembargo, e biaha aki e renobacion ta uno mas amplio caminda for di vloer te na dak, tur cos ta bin nobo. Kock: “Murayanan ta bira blanco, mas elegante, por haci video mapping riba muraya, dak a haya un look nobo, luz a cambia y awo ta bin un sistema moderno di zonido.”

For di awor caba ta invita un y tur cu ta interesa pa tene nan reunion, fiesta, bruid of ainda pa Pasco den e espacionan nobo di Renaissance Convention Center, pa haci nan reservacion. Esey ta posibel yamando na 523-6403, 523-6404 y 523-6405. A traves di telefon por suministra un email adres riba cual por sigui comunica pa specifica e deseonan di e cliente pa su evento.