KOMUNIKADO DI PRENSA 484/2022
19 òktober 2022
Rekompensa di 5 mil florin pa informashon tokante “hit and run” riba
Schottegatweg West
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku e aksidente di trafiko ku morto ku a tuma lugá den marduga di djadumingu 2
di òktober 2022 riba Schottegatweg West, Polis huntu ku Ministerio Públiko ta realisando
investigashon den e kaso aki.
Ta trata di e aksidente di trafíko, ku a tuma lugá den oranan di marduga unda a bin topa e
hòmber na bida yamá Maurice Orlando Pinnock mortalmente heridá kantu di kaminda.
Pa logra pone man mas lihé ku ta posibel riba e shofùr responsabel, ta hasi un súplika na
komunidat pa koperá ku suministrashon di informashon den e kaso aki.
Ministerio Públiko a pone un rekompensa di 5 mil florin disponibel, pa e informashon (tep
di oro) ku por kondusí na e solushon di e kaso aki.
Pa duna informashon ribá e kaso aki, por yama e number anónimo di polis 108.
Kuerpo Polisial i Ministerio Públiko ta konta riba yudansa di komunidat pa por solushoná
e kaso aki mas pronto ku ta posibel.
