KOMUNIKADO DI PRENSA 483/2022
19 òktober 2022
Rekompensa di 5 mil florin pa informashon tokante “hit and run” riba Gosieweg
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku e aksidente di trafiko ku morto ku a tuma lugá den marduga di djaluna 17 di
òktober 2022 riba Gosieweg, Polis huntu ku Ministerio Públiko ta realisando investigashon
den e kaso aki.
Ta trata di e aksidente di trafíko, ku a tuma lugá den oranan di marduga unda a bin topa e
hòmber na bida yamá Rudsel Luciano Martis mortalmente heridá kantu di kaminda.
Pa logra pone man mas lihé ku ta posibel riba e shofùr responsabel, ta hasi un súplika na
komunidat pa koperá ku suministrashon di informashon den e kaso aki.
Ministerio Públiko a pone un rekompensa di 5 mil florin disponibel, pa e informashon (tep
di oro) ku por kondusí na e solushon di e kaso aki.
