KOMUNIKADO DI PRENSA 043/2023.
31 yanüari 2023.
Registrá i buska pas pa marchanan di karnaval.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Manera ta konosí e fechanan riba kual e marcha nan di karnaval 2023 lo tuma lugá ta aserkando.
Relashoná ku e marchanan di Karnaval tin algun kaya ku ta keda riba e ruta di Karnaval lo no ta
aksesibel pa vehíkulonan motorisá.
Den kuardo di e medidanan di tráfiko temporal ku lo keda tuma, nos di Kuerpo Polisial ke anunsiá ku
entrante 1 febrüari 2023 ta habri e posibilidat pa personanan ku ta traha, biba òf ku
obligatoriamente mester move den e área di Otrobanda riba e dianan i orarionan ku e marchanan di
Karnaval 2023 ta tuma lugá, por hasi un petishon pa por bini na remarke pa un pas.
Pa loke ta trata riba dia di Marcha Hubenil (dia 12 di febrüari 2023), tin posibilidat pa hasi
petishon promé ku djárason 8 di febrüari 2023.
Personanan ku hasi e petishon na tempu por tuma e pas djabièrnè dia 10 di febrüari
2023.
Pa loke ta trata Marchanan Tiner, Marcha Grandi, Despedida Hubenil i Despedida Grandi,
por hasi e petishon prome ku djárason dia 15 di febrüari 2023.
Personanan ku hasi e petishon na tempu por tuma e pas djaweps dia 16 di febrüari 2023
Lugá : warda di polis na Otrobanda.
Ora : 08.00 or di mainta pa 12.00 or di mèrdia.
E persona ku ta bin registrá i buska e pas aki pa motibu ku e ta biba den e área aki, mester tin su
tarheta di identifikashon i reibeweis bálido.
Pa esnan ku pa motibu di trabou mester di un pas, mester presentá ku un karnèt òf karta di trabou.
Pa e último aki, mester duna number i modèl di e vehíkulo ku ta keda usa.
