RED Democratico: Declaracion di vice-presidente di SPA ta uno inaceptabel

Partido RED Democratico a tuma nota den un rueda di prensa di Cuerpo Policial, vice-presidente di SPA, Roland Maduro a declara cu ta parce como si fuera “gobierno kier polis comete atraco pa haya su salario”.

Ricardo Croes, lider di e partido a menciona cu tur aña gobierno ta paga un averahe di 10 miyon plus na overtime so. Esey ta nifica cu polis ta traha hopi overtime, cual ta nifica na su turno cu un persona cu ta traha asina hopi overtime, mester por ta gestressed (overbelast) y sin tempo pa dedica na su mesun famia of su cosnan personal, of por lo menos tin menos tempo.

Esaki ta un costo pisa riba gobierno, cua cu e por ta, y esaki no ta algo positivo tampoco, ni den e situacion financiero precario di e pais, pero tampoco p’e salud mental, fisico, laboral, familiar di e agente policial.

Preocupacion di Croes ta cu pa un polis pa haci un declaracion di e indole na publico, ta uno preocupante, casi no aceptabel tampoco

Croes ta menciona cu un atraco ta un acto criminal hopi pisa. Esaki ta castigabel pa ley y no ta algo ideal pa un polis ta expresa su mes di e forma aki.

Ora cu e pueblo pa necesidad, pa falta di trabao, pa falta di entrada, comete un atraco, ta conden’e y castig’e socialmente pa medio di ley y den tur forma cu ta posibel.

Asina ta cu e declaracion aki di Maduro di SPA ta uno demasiado pisa y cu pa RED Democratico esaki ta practicamente inaceptabel.

Pa un relato mas amplio, lesa TREMPAN.