Reapertura di Starbucks na Paseo Herencia Mall  

E compromiso di Starbucks cu e pueblo di Aruba awor un biaha mas ta wordo fortifica cu e re-apertura di su Starbucks completamente renoba na Paseo Herencia Mall. Nos comunidad a hasi Starbucks un di e lugarnan di koffie favorito pa comparti tempo hunto, sinta y relaha, disfruta, combersa y socialisa. Cu e enfoke riba diversidad di nos hendenan, protección di nos planeta y dushi koffie, nos tienda recientemente renoba lo sigui cumpli cu e pilarnan di e compania, mientras cu ta sigui mehora e isla su experiencia di koffie personalisa.

Paseo Herencia a duna bon bini na residente di nos isla y tambe a sirbi bishitante di forma caluroso y cu orguyo, y awe nos ta revela un diseño mehora cu tecnología eleva cu ta combina e estética cu e servicio. Cada tienda di Starbucks ta e curazon di un bario y Starbucks ta aspira di hasi cada un di nan un lugar acogedor y inclusivo.

Según Sra. Wanda Broeksema, Directora di Starbucks Aruba y Curaçao, “Nos ta mehora e cada dia di cada persona y cada momento ta conta! E ta nos deseo pa hasi nos clientela sinti Bon Bini por medio di un experiencia caluroso. Cada copi ta un biahe personal, un momento cu ta hasibo sinti bon.” E re-apertura di e tienda na Paseo herencia a wordo celebra cu un “coffee tasting” special entre algun invitado y cliente presente.

Sostenibilidad ta algo fundamental di kende nos ta na Starbucks. Durante e añanan, cu e ayudo di nos socionan, clientenan y expertonan den e industria, nos a busca forma pa juda proteha nos planeta, incluyendo e abastecemento etico di nos koffie, e desaroyo di un marca di tienda mas ecologico, realisa inversion nan den energia renobabel y ta e defensor di un copi mas sostenibel. “Grounds for your Garden” ta un ehempel perfecto con nos socionan y clientenan ta contribui na sostenibilidad, un beneficio mutuo tanto pa Starbucks y pa nos clientenan. Nos vision ta pa recycla y reduci desperdicio di nos tiendanan mas hopi posibel. “Esaki ta un forma cu nos por logra e objetivo aki y na mesun momento brinda algo nobo na nos clientenan.” segun Wanda Broeksema.

Starbucks Paseo Herencia ta habri tur dia for di 6.30am- 11pm, Diabierna y diasabra for di 6.30am- 12am.

Pa mas informashon por bishita starbucks.com of www.facebook.com/starbucksaruba.