Raymond Kamperveen (RAIZ): Busca balans pa un decision sano pa Aruba

Na final di e Openbare Bijeenkomst (OB) sosteni den Parlamento, miembro di fraccion den coalicion, Raymond Kamperveen (RAIZ) a comparti su pensamento y conclusion. Den resumen Kamperveen ta desea di por mira un maneho basa riba mas riba informacion di personanan indocumenta for di Venezuela y cu ta hiba na un maximo probecho di oportunidad pero tambe cumplimento di responsabilidad pa y door di pais Aruba.

E parlamentario a cuminsa na indica cu nos mester tin un idea mas cla ta di cuanto persona nos ta papiando di dje, ken y unda nan ta. “Un tempo a bisa ta 17 mil; awo ta bisa cu ta 10 mil pasobra no tin data. Esunnan cu sa ta HIAS y Cruz Cora. E ora ey mester wak con por traha cu e data ey respetando regla di privacidad.”

Un siguiente paso cu Kamperveen ta wak den e trayecto aki ta di un introduccion den sistema legal. Di e manera aki nan por traha legalmente y yuda contribui na e fondonan di AOV y AZV. E ta considera cu esaki ta beneficioso pa nan, pero pa Aruba tambe. Kamperveen: “Con cu bay bin; cu tur e hotelnan cu ta bay bin, nos mester di hende. Nos sa tambe cu tin hopi hende cu ta traha den hotel cu a kita y no kier traha den hotel mas. Nos hobennan tampoco kier traha den hotel, sea nan kier ta entrepreneur of kier traha trabou di cinco dia pa siman y no den fin di siman. Tur esey nos tin cu wak con ta haci pa tuma un decision sano cu ta cumbini Aruba.”

Pa e relato completo, lesa edicion di TREMPAN