MINISTERIO KONSERNÍ ENSEÑANSA, SIENSIA, KULTURA & DEPORTE
PUBLIKÁ RIBA 23 FEBRÜARI 2023
Inspekshon a hasi entrega di e rapòrt final: ‘Doorlichting/Nulmeting’ relashoná ku Enseñansa na Minister S. van Heydoorn
WILLEMSTAD – Den kuadro di e programa di reforma i e ‘Landenpakket’ konforme programa di ehekushon Kòrsou a traha riba un Nulmeting pa enseñansa dor di Inspekshon di enseñansa di Kòrsou i Hulanda. Resientemente e rapòrt final: ‘Doorlichting/Nulmeting’ ta kla i a keda entregá di forma ofishal a Minister di Enseñansa, Siensia, Kultura i Deporte (ESKD) sr. Sithree van Heydoorn.
Minister di ESKD sr. S.van Heydoorn huntu ku e Organisashon di Maneho i e Sektor di Enseñansa i Siensia lo trata i diskutí e rapòrt final internamente pa despues Minister S. van Heydoorn duna su reakshon di maneho riba e rapòrt.
—
KOMUNIKASHON
**potrètnan: Momentu ku Inspektor – General sr. R.Bitorina ta hasi entrega digital na Minister di ESKD sr. S.van Heydoorn den presensia di Sekretario-Generaal interino sr. S.Larmonie-van Heydoorn, Direktor sr. W.Kleinmoedig i Kolaborador di gabinete sr. R.Delfina.
Entrega Rapòrt Final Nulmeting
