News

Radio Bo Guia FM a celebra nan aniversario di plata

/* custom css */
.tdi_9.td-a-rec{
text-align: center;
}.tdi_9 .td-element-style{
z-index: -1;
}.tdi_9.td-a-rec-img{
text-align: left;
}.tdi_9.td-a-rec-img img{
margin: 0 auto 0 0;
}@media (max-width: 767px) {
.tdi_9.td-a-rec-img {
text-align: center;
}
}

Diamars tabata un dia di fiesta Radio Bo Guia 88.9 FM, caminda cu nan a recorda cu 25 aña pasa nan a bay den aire pa prome biaha.

/* custom css */
.tdi_8.td-a-rec{
text-align: center;
}.tdi_8 .td-element-style{
z-index: -1;
}.tdi_8.td-a-rec-img{
text-align: left;
}.tdi_8.td-a-rec-img img{
margin: 0 auto 0 0;
}@media (max-width: 767px) {
.tdi_8.td-a-rec-img {
text-align: center;
}
}

Mimi Rosel-Koolman, co-propietario y periodista di Bo Guia 88.9FM, a cuminsa na bisa cu nan ta estableci na Tanki Flip, sinembargo, e ta considera cu Bo Guia 88.9FM ta pa mundo henter. A traves di frecuencia nan ta yega rond di Aruba, pero pa medio di e plataformanan digital y e tecnologia avansa asina grandi, nan ta yega unda cu e Arubiano ta cu ta busca loke ta di dje. Esey ta Bo Guia.

Tabata 25 aña di hopi sacrificio, lucha, alegria pero tameb di tristesa. Ta 25 aña tambe di Radio Bo Guia 88.9 FM, cu ta entretene, educa, informa y comparti cu e pueblo. Radio Bo Guia 88.9FM ta duna tur di dje p’e pueblo. Mas aleu, Mimi a bisa cu ora cu nan a lanta 25 aña pasa, nan tabata carga e nomber Revolucion, ya cu nan tabata kier a revoluciona loke ta e cultura di Aruba. Ora di wak bek, nan a logra un parti hopi grandi riba esaki.

Antes, den e temporada di fin di aña, tabata tin solamente produccion di e gaitanan di Venezuela. Pero actualmente, tin masha hopi produccion di fin di aña, siguiendo cu e Dande, cu ta algo cu Bo Guia 88.9 FM ta carga. Ta sigui e temporada di Cultura, cu ta 18 di maart, asina por sigui henter aña. Nan ta sigui y mantene e cultura di Aruba bibo.

E pueblo di Aruba ta identifica cu diferente fiesta tipico. Pero no solamente e fiestanan, pero loke ta musica, di cual genera cu e ta. Sea ta musica di mucha jong, di hende mas grandi, di tur genero, cu ta duna realse nos dushi Papiamento, loke ta produccion local. Tambe Mimi a enfatisa cu pa mas di nuebe aña caba su casa ta director di e station di radio. Su yiunan ta na cabes di e radio, awor cu nan ta bek na nan isla.

Por ultimo, Mimi a expresa un gran deseo di dje ta pa e pueblo ta mas consciente: stima loke ta su musica. E station di radio, como medio ta basa su mes riba musica. E otro nan ta haci nan trabou riba tereno di arte y di deporte. Pero Aruba mester cuminsa balora y stima su musica. No por cu e Arubiano ta baila un bachata, un vallenato, pero no sa con pa baila un cah’i orgel of un wals.

Ademas di esey, balora e kico ta nifica di tin bo identidad, un Arubiano.

RADIO BO GUIA 88.9FM

Radio Bo Guia 88.9FM ta situa na Tanki Flip y ta un di e poco radionan cu ainda ta garantisa un porcentahe halto di su programacion dedica na nos folklore y cultura. E radio a bay den aire na november 1997 y como tal a celebra 25 aña di existencia dos luna pasa. E ta conta cu un elenco di presentadonan, locutornan y DJnan capas pa entretene tur tipo di generacion y gusto di oyentenan.

/* custom css */
.tdi_10.td-a-rec{
text-align: center;
}.tdi_10 .td-element-style{
z-index: -1;
}.tdi_10.td-a-rec-img{
text-align: left;
}.tdi_10.td-a-rec-img img{
margin: 0 auto 0 0;
}@media (max-width: 767px) {
.tdi_10.td-a-rec-img {
text-align: center;
}
}

Comment

Your email address will not be published. Required fields are marked *