Pronóstiko di tempu pa Kòrsou i bisindario bálido te djasabra atardi 18:00 o.l., 01 di òktober 2022.
Kompilá:
djabièrnè 30 di sèptèmber 2022, 17:00 o.l. (21:00 UTC).
Tempu:
Hopi nublá ku de bes enkuando algun áwaseru lokal kompañá pa welek i bos.
Temperatura máksimo lo alkansá 31ºC i temperatura mínimo 24ºC.
Solo ta sali 06:25 i ta baha 18:26 o.l.
Bientu:
For di direkshon variá i suak te moderá; forsa 2 te 3 (7 te 19 km/ora, 4 te 10 nudo). Durante áwaseru mas fuerte, de be enkuando moderá te fuerte den ráfaga; forsa 4 te 6 (20 te 50 km/ora, 11 te 27 nudo).
Situashon general:
Kondishon atmosfériko lo sigui favorabel pa desaroyo di nubianan signifikante debí na un disturbio na nivelnan mas haltu di atmósfera. Komo resultado, e nubianan aki lo krusa riba nos region i sigui trese momentunan di áwaseru kompañá pa welek i bos. Algun di e yobidanan lo ta lokalmente moderá te fuerte i por kousa molèster di awa na e lugánan di kustumber.
Kondishon di laman:
Por lo general trankil ku altura di olanan di ménos ku 1 meter (3 pia).
Sistemanan signifikante di wer tropikal:
Ningun.
Fenómeno spesial:
Ningun.
Perspektiva te djadumingu atardi: G
Gradualmente ménos nublá i ménos aktividat di áwaseru, miéntras ku bientu ta oumentá un poko.
Meteorólogo:
Rombley
E KONDISHONNAN AKI LO DURA FOR DI DJABIÈRNÈ, 30 DI SÈPTÈMBER 2022, 19:30 O.L. TE DJABIÈRNÈ, 30 DI SÈPTÈMBER 2022, 23:30 O.L.
IMPAKTO ANTISIPÁ:
- Áwaseru fuerte ku por kousa inundashon na sierto parti di nos isla;
- Ráfaga di bientu por kousa lokalmente sierto destrukshon riba su ruta;
- • Ola haltu na kostanan sùit i wèst por kousa daño na boto chiki kantu di awa i tambe na fasilidatnan na playa;
- Welek por kai i kousa daño na aparatonan i otro opheto.
MEDIDA DI PREKOUSHON:
- Saka stèker di aparatonan elektróniko afó i no hasi uso di esakinan durante di un evento di welek ku bos;
- Usa telefòn ku waya solamente den kaso di emergensia;
- Mara ophetonan ku ta lòs pafó i pone bo mes i bo bestianan di kas den seguridat;
- No usa palunan aislá pa skonde;
- No pasa dor di kayanan òf áreanan ku ta inundá, òf kaminda ku tin roi grandi ta kuri;
- Sali for di boto i alehá bo mes for di awa, si esei ta posibel;
DEFINISHONNAN:
Un Boletin Spesial ta ser emití pa eventonan di wer ku ta kousa inkonbeniensia general òf preokupashon den pueblo (ku ta rekerí atenshon i akshon di outoridatnan di brantwer i polis) i ku no por ser deskribí na un manera adekuá den un pronóstiko di tempu regular.
Un Mensahe di Prekoushon pa Mal Tempu ta un anunsio pa ora ku mal tempu ta posibel (probabilidat di 10 pa 30%) denter di próksimo 8 pa 24 oranan.
E frase ku ta kuminsá ku E KONDISHONNAN AKI LO DURA FOR ta duna un aproksimashon di e periodo di durashon di e kondishonnan di peliger.
