Pronóstiko
Pronóstiko di tempu pa Kòrsou i bisindario bálido te djárason mainta 06:00 o.l., 22 di febrüari 2023.
Kompilá: djamars 21 di febrüari 2023, 05:00 o.l. (09:00 UTC).
Tempu: Por lo general parsialmente nublá ku un chèns ainda pa algun áwaseru lokal durante oranan di mainta. Tra’i mèrdia ta ferwagt ku esaki lo mengua.
Temperatura máksimo lo alkansá 29ºC i temperatura mínimo 24ºC.
Solo ta sali 06:55 i ta baha 18:44 o.l.
Bientu: Entre ost i nortost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo). Ménos fuerte den anochi.
Situashon general: Un área di humedat den nos region lo mantené kondishon atmosfériko favorabel pa kresementu di nubia ku algun áwaseru lokal riba nos isla i besindario durante oranan di mainta. Despues di mèrdia, ta antisipá ku esakinan lo disminuí i un wer relativamente seku lo prevalesé riba nos isla. Mas aleu, bientu lo supla ku un forsa moderá te basta fuerte i lo sigui sòru pa un kondishon di laman lokalmente brutu.
Kondishon di laman: Moderá ku altura di olanan entre 1 i 2 meter (3 i 6 pia). E olanan mas haltu ta riba laman na nort i ost di Kòrsou.
Fenómeno spesial: Ningun.
Perspektiva te djaweps mainta: Parsialmente nubla ku chèns pa áwaseru lokal.
Meteorólogo: Vrutaal.
