Pronóstiko
Pronóstiko di tempu pa Kòrsou i bisindario bálido te djamars mainta 6:00 o.l., 21 di febrüari 2023.
Kompilá: djaluna 20 di febrüari 2023, 05:00 o.l. (09:00 UTC).
Tempu: Shelu lo ta variablemente nublá i áwaseru por keda kai un poko mas durante di mainta. Despues pa sobrá di awe un wer seku ta prevalesé, miéntras e chèns pa awa kai ta regresá marginalmente durante mayan.
Temperatura máksimo lo alkansá 29ºC i temperatura mínimo 23ºC.
Solo ta sali 06:55 i ta baha 18:44 o.l.
Bientu: Direkshonnan entre ost i nortost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo). Ménos fuerte den anochi.
Situashon general: E kondishon atmosfériko lo kontinuá temporalmente faborabel pa desaroyo di nubia signifikante riba nos region. Algun di e nubianan aki por generá momento di áwaseru riba parti di nos isla. Ademas, awe e fluho di bientu ta relativamente mas fuerte i e laman lo respondé riba esaki, birando un tiki mas brutu. No opstante esaki, pa djamars e bientu lo disminuí un poko i laman na su bùrt ta relahá un bes mas.
Kondishon di laman: Moderá ku altura di olanan entre 1 i 2 meter (3 i 6 pia). E olanan mas haltu ta riba laman na nort i ost di Kòrsou.
Fenómeno spesial: Ningun.
Perspektiva te djárason mainta: Parsialmente nublá ku chèns pa algu di áwaseru lokalmente.
Meteorólogo: Coffie
