Pronóstiko
Pronóstiko di tempu pa Kòrsou i bisindario bálido te djadumingu mainta 06:00 o.l., 20 di novèmber 2022.
Kompilá: djasabra 19 di novèmber 2022, 05:00 o.l. (09:00 UTC).
Tempu: Parsialmente nublá, de bes en kuando hopi nublá ku chèns pa algun yobida pasahero. Mas atardi, kondishon di tempu lo bira gradualmente seku.
Temperatura máksimo lo alkansá 30ºC i temperatura mínimo 25ºC.
Solo ta sali 06:35 i ta baha 18:07 o.l.
Bientu: Por lo general ost i moderá; forsa 3 te 4 (12 te 30 km/ora, 7 te 16 nudo). Prinsipalmente den yobida, ráfaga basta fuerte; forsa 5 (31 te 39 km/ora, 17 te 21 nudo).
Situashon general: Áreanan di humedat relativamente haltu lo sigui krusa nos region durante e promé parti di dia i na su turno kousa un oumento temporal di nubia riba e teritorio lokal. Algun di e nubianan aki por generá momentu di yobida aislá durante awe mainta. Mas aleu, e fluho di airu ta bira ménos húmedo durante e siguiente dianan i posibilidat pa awa kai ta keda limitá. Pa e motibu aki, nubianan por plama den nos área durante próksimo dianan. No opstante esaki kualke áwaseru lo ta di poko importansia.
Kondishon di laman: Moderá ku altura di olanan entre 1 i 1.5 meter (3 i 6 pia). E olanan di mas haltu lo ta den resake riba laman serka di kosta na nort.
Sistemanan signifikante di wer tropikal: Ningun.
Fenómeno spesial: Ningun.
Perspektiva te djaluna mainta: Parsialmente nublá i no ta antisipá áwaseru signifikante.
Meteorólogo: Correa
