Pronóstiko
Pronóstiko di tempu pa Kòrsou i bisindario bálido te djabièrnè mainta 06:00 o.l., 4 di novèmber 2022.
Kompilá: djaweps 3 di novèmber 2022, 05:00 o.l. (09:00 UTC).
Tempu: Shelu ta por lo general parsialmente nublá, temporalmente basta nublá ku chèns pa algun áwaseru lokal.
Temperatura máksimo lo alkansá 30ºC i temperatura mínimo 25ºC.
Solo ta sali 06:29 i ta baha 18:10 o.l.
Bientu: Direkshon generalmente ost i moderá; forsa 3 te 4 (12 te 30 km/ora, 7 te 16 nudo). Ráfaga de bes en kuando te basta fuerte; forsa 5 (31 te 39 km/ora, 17 te 21 nudo).
Situashon general: Un ola tropikal situá awe mainta riba parti oriental di Karibe lo krusa nos region durante e próksimo 24 ora. E fluho di bientu lo bira gradualmente for di direkshon ost pa suitost i trese airu mas húmedo i instabil den nos área. Esaki lo kousa áreanan di nubia pa desaroyá i krusa nos region ku posibilidat pa algun yobida kompaña pa welek i bos. Algun di e yobidanan aki por ta lokalmente fuerte i por kousa molèster na e luganan di kustumber.
Kondishon di laman: Trankil te moderá ku altura di olanan entre 1 i 1.5 meter (3 pa 5 pia). Kondishon di laman na kosta nort ta un ta un poko brutu dor di efekto di resake.
Sistemanan signifikante di wer tropikal: Ningun.
Fenómeno spesial: Ningun.
Perspektiva te djasabra mainta: Parsialmente te hopi nublá ku chèns pa algun áwaseru kompaña pa welek i bos.
Meteorólogo: Luciano.
