PROMÉ MINISTER GILMAR PISAS huntu ku minister di hustisia shalten hato a RISIBÍ SEKRETARIO DI ESTADO I
SEKRETARIO-GENERAL DI DEFENSA
Willemstad – Promé Minister Gilmar Pisas huntu ku Minister di Hustisia Shalten Hato a risibí Sekretario di Estado di Defensa Christophe van der Maat i Sekretario-general di Defensa Gea van Craaikamp dia 9 di novèmber 2022.
E bishita aki tabata unu di kortesia kaminda e Sekretario di Estado i Sekretario-general a haña oportunidat pa sera konosí ku Promé Minister sr. Pisas i Minister di Hustisia sr. Hato.
Durante di e bishita a toka algun punto di interes komun ku tin di haber ku e kadena hudisial. E puntonan ku a keda trata ta e.o. e parti di kurso i trainingnan konhunto, puntonan ku ta rekomendá pa trata den e siguiente “vierlandenoverleg” ku e kuater Ministernan di Hustisia den Reino, koperashon i kordinashon entre e kuater paisnan den Reino i re-apertura di e frontera ku Venezuela, èts.
Promé Minister sr. Pisas a deseá e invitadonan un estadia plasentero na Kòrsou mirando ku ta e promé biaha ku nan ta bishitá Kòrsou.
E reunion no por a dura muchu debí ku djárason ta dia di reunionnan di Konseho di Minister.
