Willemstad – Promé Minister sr. Gilmar Pisas a sera konosí ku e tòp di RBC Caribbean Banking dia 15 di febrüari 2023.
Esnan ku a representá e tòp di Caribbean Banking di RBC Royal Bank tabata srs. Chris Ronald (Head Caribbean Banking), Pierrot Hurtado (Country Manager Curaçao & Bonaire and Area Vice President Personal Banking Dutch Caribbean) i Jarl Jie-A-Looi (Area Vice President Business Banking, Curaçao, Bonaire, St. Maarten & Saba).
RBC Royal Bank N.V. tin operashonnan bankario na Kòrsou, Aruba, Boneiru, St. Maarten i Saba i ta forma parti di RBC Caribbean Banking.
RBC den Karibe ta presente den 10 pais i teritorio (Bahamas, Islanan Turcas i Caicos, Isla Caimán, Barbados i Trinidad & Tobago), ku 38 brènch i mas ku 2.800 empleado RBC ta sirbiendo mas ku un mèi mion kliente den Karibe.
Sr. Chris Ronald tin un bon konosementu di e desaroyonan ku tin na Kòrsou, sin embargo e tabata deseá pa risibí informashon adishonal riba e desaroyonan ku tin aktualmente i tambe elaborá riba kon RBC por kontribui na e desaroyo di Kòrsou.
Na final sr. Ronald a gradisí Promé Minister sr. Pisas pa e espasio ku e la krea pa por risibí su delegashon.
Promé Minister sr. Pisas a indiká ku pa e tabata un plaser di por a sera konosí ku e delegashon di RBC Caribbean Banking.
E kombersashon a kana den un bon esfera.
