Prome Minister Britanico ta retira despues di cuarenticuatro dia

Politica Britanico a bira e mandatario Britanico cu menos tempo den e cargo. Diahuebs Liz Truss a anuncia cu e lo entrega su renuncia como prome minister di Reino Uni.

E politico a entrega su renuncia apenas 44 dia despues di su nombramento y asina tambe ta bira e mandatario Britanico cu menos tempo den e puesto. Anteriormente, e prome minister menos tempo tabata George Canning, cu a muri na 1827 despues di 119 den e puesto.

“Mi a asumi e cargo den un momento di gran instabilidad economico y internacional”, Truss a declara den un encuentro breve pafo di Downing Street. “E famia y e companianan tabata preocupa con nan lo paga nan recibonan”, el a afirma.

Den su discurso Truss a señala cu a eligie “cu e mandato di cambia esaki”. “Nos a cumpli cu e recibonan di energia y cu e recorte di seguro nacional y nos a establece un vision pa un economia di crecemento halto cu belasting abou”, el a agrega.

“Mi ta reconoce cu, debi na situacion, mi no por cumpli cu e manda topa cual a eligi mi. Mi a papia cu Su Mahestad Rey Charles pa comunica na dje cu mi ta entrega mi renuncia como lider di Partido Conservador” el a anuncia.

Prome cu e anuncio di Truss, diesshete miembro di su mesun partido cu a pidi su renuncia.

E prome minister tabata blanco di critica severo despues cu el a anuncia di e recortenan di impuesto no financia. Esaki a genera desconfiansa riba e mercado y den e poblacion, mientras su popularidad a cay n’e nivelnan di aprobacion mas abou den historia di e pais.

Kwasi Kwarteng, e (actual) ex-canciyer di finansa, a anuncia recortenan fiscal dia 23 di september ultimo. Esaki lo a nifica cu e gobierno Britanico lo crea un debe grandi.

London mester a gasta 150 biyon pound sterling den subsidia e gastonan energetico di e consumidor- y e companianan.

Na final, Truss a sigui cu su plan di vries impuesto di venootschapbelasting y desde e otro aña esaki lo subi di 19% pa 25%, manera planea pa e gobierno di su predecesor, Boris Johnson.