Prome accidente di 2023 tabata serio y na Sabana Grandi

Tabata apenas 15 minuut despues di tiro habriendo 2023 cu prome accidente di trafico a keda registra. E tabata un accidente basta serio caminda un dama tabata herida. Polis a yega mesora y a pidi pa ekipo di rescate. Un dama tabata stuur un Hyundai SUV y a baha caminda na man drechi riba e caminda di Sabana Grandi pa Jucuri.

E dama tabata bayendo su cas na Jucuri. E velocidad halto a causa cu despues di perde control, e auto a slip baha caminda na man drechi y dal den un troncon di mata. E impacto tabata fuerte, cual motibo e dama a keda pega. Ekipo di rescate a yega y nan a corta dos porta di banda robes pa asina logra libera e dama.

Si e impacto tabata algun centimeter mas dilanti, e dama awe caso sigur lo no a sobrevivi. E mester gradici Dios cu e ta na bida awe. Despues di logra corta e auto, e paramediconan a logra saca e victima cu yudansa di bombero. E tabata na tino y algun familiar a topa cu ne y su man caminda pa ambulance. Nan a tuma over su tas tambe. E auto a keda mesun caminda hinca y mainta famia a keda di bin busc’e cu takelwagen.