KOMUNIKADO DI PRENSA 425/2022
12 sèptèmber 2022
Prohibishon pa drenta lokalidatnan polisial.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Kontinuando ku investigashon relashoná ku komportashon inadekuá na boka di trabou, Tim
di Maneho di Kuerpo Polisial djaluna 12 di sèptèmber 2022 den oranan di atardi a duna un
miembro mas di kuerpo, prohibishon di entrada na edifisionan di polis.
Miéntras ku e investigashon ta kontinuá, e miembro aki no por ehersé su funshon den
Kuerpo Polisial.
En bista ku te ainda ta trata di un medida di òrdu i e kaso aki ta den investigashon, no por
duna mas informashon tokante di esaki.
