Diabierna mainta, tanto director di EPB Oranjestad, Erwin Lopez, hunto cu director di EPB San Nicolas y tambe e demas managernan di EPB Hato, a yama un rueda di prensa p’asina duna nan banda di medaya pa loke ta pasando na EPB Oranjestad y loke a sali den prensa, cual nan a haya prudente pa duna comentario y splicacion kico tur ta pasando den e scol. Tambe pa pidi e ayudo necesario na esunnan concerni.
Lopez a comenta cu manera por a sigui den prensa den e ultimo dianan tin basta problema n’e scol, specialmente pafo di cura.
Na Aruba tin hopi gang den bario. E gangnan ta birando mas y mas agresivo. Ta haya mas uzo di arma den gang. Tambe den varios bario tin hopi problema social, cu ta drenta den e cura di scol. Como consecuencia e scol ta purba di tur manera pa bringa esaki.
Tin trahado social, tin psicologo cu ta brinda ayudo n’e muchanan aki. Pero kico por mira, ta cu cada biaha e problema ta bira mas grandi y durante ristamento ta haya hopi arma. No ta uza nan directamente den cura di scol, pero si ta duna un preocupacion grandi bao di e mayornan, como tambe e docentenan.
Pa loke ta e aspecto di siguridad, nan tin dos security cu ta percura pa siguridad na scol, pero esey no ta suficiente. ta pa e motibo ey mes a acerca gobierno y trece e preocupacion aki dilanti. A logra haya dos security mas p’asina reforsa e dosnan cu tin na scol caba.
AYUDO POLICIAL
Polis ta dispuesto pa yuda e scol. Nan lo intensifica nan control rond di scol y den cura di scol. A pidi nan pa baha, cana rond y yuda e scol cu esey. A haya confirmacion cu esey lo pasa y tambe segun Lopez, polis ta bezig cu un plan mas grandi pa ataca e problema di criminalidad y gang riba henter Aruba, pasobra ta un problema grandisimo di tur bario, di punta pa punta.
Pa mas detaye lesa TREMPAN.
Comment