Por lo menos 250 participante ta competi den World Series of Poker di The Casino at Hilton

The World Series of Poker a cuminsa na 2019 na Aruba y The Casino na Hilton a host e torneo aki den luna di november aña pasa como tambe den luna di december.

Segun Jasmin Hart, Sales & Marketing Coordinator, a tuma e luna mas bon pa tur hende, cual ta september, casi fin di aña, cuminsando dia 22 di september. Hart a menciona cu ta hopi entusiasma cu el a tuma luga e aña aki atrobe, a pesar di e circunstancianan, a logra haci e evento aki mescos cu aña pasa.

E evento ta tumando luga fo’i dia 22 di september te cu dia 2 di october. A haya un total di 250 participante e aña aki, door cu a haya sa hopi trempan cu lo bay tin e World Series of Poker, unda cu por calcula cu lo haya mas hende cu aña pasa.

Mirando cu tabata e prome dia di e torneo, por a mira cu hopi hende ta interesa den e evento.

P’e aña aki The World Series of Poker su premio ta di $300 mil garantisa. E premio e aña aki ta mas grandi cu aña pasa, pasobra hopi di e hungadonan di poker sa cu aña pasa e premio tabata 250K garantisa. Door cu ta un evento cu kier pa cada aña na Aruba kier promove pa tur hende ta envolvi cu e torneo aki.

Balashi ta un di e nombernan mas grandi na Aruba y ta tur caminda. The Casino ta contento cu nan t’ey hunto cu nan e aña aki.

Tur cu kier participa ta bonbini anytime. E schedule ta riba tur plataforma riba social media di The Casino. Por mira cada fecha fo’i dia 22 di september te cu dia 2 di october pa por inscribi y tambe ki ora e torneo ta cuminsa.

Den e ballroom tin e pre-regristration caminda cu tin cu inscribi y despues por bay haci e buy-in cu ta net na banda cerca e cashier p’e torneo.

The Casino Aruba, hunto cu The World Series of Poker y Balashi, ta haci un invitacion pa tur hende cu ta interesa pa hunga poker pa inscribi. Si bo no sa mucho di poker, toch bo ta bonbini. Kier a haci e evento aki mas grandi tur aña.

Di parti di Tropical Bottling Company, Elizair Pourier, Brand Developer a comenta cu nan ta sumamente contento di ta formando parti di e evento di The World Series of Poker, pa di tres aña. Tur aña nan ta creciendo y bira grandi. E participacion di Tropical Bottling Company naturalmente ta p’e bishitantenan cu ta bin pa nan conoce e productonan local y tambe e productonan di Tropical Bottling cu tin di ofrece. Diabierna, dia 23 di september, lo tin e Women’s Tournament cuminsando pa 4:00 pm y naturalmente cu e damanan lo bay t’ey cu e liña di Magic. Pa Tropical Bottling lo ta special pa mira con e damanan ta hunga poker y con nan ta disfruta di e producto.