Polis preparando varios adicto pa bay rehabilita afo

A tuma nota cu polis ta bezig cu un trabou di busca adictonan na cas. A mira cu un agente specifico cu su colega ta bishitando un of mas adres. Of tambe ta buscando adicto cu ta riba caya. Informacion cu nos tin ta cu tin un lista di alrededor diez asicto cu mester bay Colombia.

Eynan mester ta parti di un programa cu tin prepara pa nan na Bogota. A tuma nota tambe cu e adictonan riba lista ta esnan cu casi diariamente polis mester duna asistencia pa nan molester diferente caminda. Lo hibanan afo pa asina haya tratamento leu di droga. Hopi di nan tin cierto estorbo mental pa efecto di droga.

Actualmente ta acumulando tur e adictonan na un luga cu tambe ta atende cu adictonan. Di eynan lo warda e dia pa tur bay Bogota pa asina haya nan tratamento na un finca conoci. Autoridad y instancianan na Aruba ta den e proyecto aki. Hasta Ministerio Publico cu Veiligheids Huis tabata na Colombia unda a haya un recorido recien riba e centro. Tin mas local eynan actualmente.

Tin di nan cu probablemente mester keda eynan pa hopi tempo mirando e problema mental cu nan tin pa motibo di e efecto di droga. Aki por mira dos adicto cu polis a hiba. Uno a buske na cas y otro a topa riba caya. Kizas mas dilanti lo tende mas di e proyecto aki.