Pelea a termina cu dos detencion riba Boulevard

Diaranson atardi alrededor di 4:30 pm a sosode un caso di supuesto agresion dilanti di Geekay Department Store riba Boulevard. Aki ta caminda cu dos partido a topa otro y a cuminsa c’un intercambio di palabra formal. Na sitio hasta ta papia cu lo a agredi otro cu arma. Ta suficiente motibo pa polis presenta cu urgencia na sitio.

A conta cu un total di seis pa shete patruya di polis. No solamente e polisnan di districto di Playa pero tambe di districto di Santa Cruz cu refuerso di e unidad di K-9. A manda sla riba bumper di auto y mucho mas. Parce ta un problema cu a cuminsa na scol y cu a sigui te den oranan di atardi.

Un di e partidonan ta teme cu e problema aki lo sigui. Polis a detene dos hende homber relativamente hoben. A transporta ambos pa warda di polis  caminda lo presenta nan dilanti un subfiscal. Polis a tuma tur informacion necesario pa djey sigui cu nan patruya.