Pasadia Briyo di Solo cu Bazaar di Pasco

Dia 3 december ta un dia cu Nacionnan Uni a pone pa stimula conscientisacion den comunidad di e manera cu, con deficiencia ta afecta e bida di e persona riba tereno economico, social, politico y ta promove e derechonan di esnan cu un of otro deficiencia. Tambe tin e meta pa sigura e bienestar di e persona cu deficiencia y su dignidad.

Precisamente rib’e dia aki, 3 di december, Pasadia Briyo di Solo ta organisa un Bazaar di Pasco cu ta tuma luga for di 6:00 p.m. te cu 10:00 p.m. na Piedra Plat 97 A. E bazaar aki ta un di e actividadnan cu S.V.G.A. mes ta organisa cu e meta pa cumpra un bus pa su clientenan. 

Concretamente tin planea pa habri e aña un grupo di sosten propio di mayornan na  departamentonan di SVGA bou di guia di drs. Sylvia Bauwens- Verbeke. Meta di e encuentronan aki ta duna mayor informacion y duna mayor sosten den cuido y educacion di nan yiu. Riba dia 3 di December lo tin un livestream di un di e workshops riba nos facebookpage: Stichting Verstandelijk Gehandicapten Aruba.

Pa celebra e dia internacional un comision interno a organisa un dia hopi special pa nos alumno y cliente unda nan a mustra kiko nan por riba stage. Esaki a tuma lugar dia 30 di November 2022. Nos di SVGA ta desea nos grupo meta y tur esnan cu ta traha na bienestar di e persona cu un of otro limitacion un dia di reflexion y bendicion.

DIA INTERNACIONAL DI PERSONA CU DEFICIENCIA INTELECTUAL

Nos tur den bida sa encontra cierto limitacionan. Nos ta depende di nos esunnan rond di nos pa yuda nos den esaki. P’esey cooperacion den comunidad ta importante. Den e caso aki, ta referi n’un persona c’un limitacion intelectual.

E palabra persona cu” limitacion” lo no a existi si den nos comunidad nos por kita tur barera cu ta exclui e persona aki.

Na Stichting Verstandelijke Gehandicapten Aruba (SVGA/Fundacion pa Esnan cu Limitacion Intellectual)ta duna guia unda e grupo meta ta ricibi cuido y educacion manera tur ciudadano cu tin derecho riba esaki na Aruba.

SVGA ta conta cu e siguiente departamentonan:

Pasadia pa mucha di 2 te cu 18 ana di edad esta Pasadia Bibibto Pin.

Scol Dununman pa alumno di 4 te cu 16 ana di edad.

Pasadia Briyo di Solo pa adulto di 16 te cu 60 ana di edad.

Centro Man na Obra pa adulto di 16 aña te cu edad cu cliente por produci ainda.

Sinembargo ta presenta situacionan cu e fundacion ta depende grandemente riba subsidio di gobierno pa logra esaki. Nos mision ta pa ofrece un calidad di cuido, guia y educacion na e persona cu limitacon intelectual pa un miho calidad di bida. Pa medio di donacion S.V.G.A. ta  traha riba calidad di cuido.

Segun censo 2020 tin un total di 1255 persona na Aruba den e categoria “difficulty remembering or concentrating”. Di e grupo di persona aki, tin 906 persona cu ta cayi den grupo di edad ariba 60 aña di edad. SVGA  ta atende e grupo di 2 aña pa 60 aña. Di e montante di 349 persona cu a resta, SVGA tin e luna aki 249 persona registra cu ta participando na su departamentonan den dia. E 100 personanan cu SVGA no tin registra  ta persona cu otro diagnose of ta kedando den otro instancia cu no ta SVGA  (no a meld na SVGA). Website di SVGA ta [email protected] pa mas informacion.

Riba area di vivienda fundacion ta maneha algun cas, esta pa mucha Cas Blenchi  y pa adulto Cas Sjabururi y por duna sosten na famianan conhuntamente cu Departamento pa Asuntonan Social. Na e momento aki SVGA ta dispone di un cas cu 12 adulto pa asina drumi I keda 24 ora bou cuido di personal califica y un cas pa 6 mucha menor di edad. 

Riba lista di espera tin para  persona registra cu tin multiple handicap y esnan adulto cu ta busca un internado pasobra nan mayornan no por wak mas pa nan of a fayece caba.

CEDE Aruba ta financia e aña aki un investigacion pa inventarisa e ayudo en general na Aruba pa cu esnan cu un of otro deficiencia. Fin di januari 2023 ta premira cu por presenta e resultadonan di e investigacion aki publicamente.

Plataforma pa Persona cu Limitacion (PPL) ta un Plataforma nacional cu ta consisti di 14 organisacion cu ta traha den bienestar di e persona cu limitacion pa menciona algun fundacion activo: FEPO, SVGA, FAVI, FUNARI, Stichting Ambiente Felis, Fundacion Siña mi Paso pa Paso Aruba, Trampolin pa Trabou, Fudacion Biba Bou di Guia, Asociacion Sonrisa y otronan.

Un di e metanan central di PPL ta pa logra aki na Aruba pa gobierno ratifica e derechonan pa persona cu limitacion.