News

Partido RAIZ a campaña den Madiki

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img img{margin:0 auto 0 0}@media (max-width:767px){.tdi_9.td-a-rec-img{text-align:center}}

Diahuebs e candidatonan di partido RAIZ, Cosechando Futuro, tabata den Madiki pa asina campaña y trece nan puntonan di eleccion dilanti. Segun e candidatonan, nan tabata bon ricibi y e habitantenan tabata scucha nan.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img img{margin:0 auto 0 0}@media (max-width:767px){.tdi_8.td-a-rec-img{text-align:center}}

Ursell Arends, lider di RAIZ, a splica cu nan a drenta Madiki p’asina comparti nan informacion di plataforma. Tur e candidatonan tabata presente pa comparti e mensahe di RAIZ den e bario di Madiki y henter bisindario.

E forma con a haci esey tabata den un forma diferente, manera nan gusta haci. E biaha aki nan a scoge pa parti un potlood y na final di esaki na luga di tin un gum, a pone un simia, cual por planta. Tin cuater tipo di fruta y berdura cu por planta y asina ey cosecha futuro cu partido RAIZ.

Tambe a hiba e mensahe di por haci politica diferente. Incluso a goberna y mustra cu por a haci esey den un forma diferente. E ta kere cu esey ta loke pueblo a bin ta custumbra di RAIZ, unda cu semper nan ta para pa corecto. Durante e compañamento cu tur diesun lider den comunidad, e lidernan cu ta cla pa dia 6 di december haya e sosten di comunidad pa por sigui implementa e diferencianan, implementa e vision cu tin pa Aruba.

Arends a sigui splica cu e acogida den Madiki tabata bon pasobra e casnan, e comunidad a habri porta pa ricibi e mensahe cu nan tin pa comparti. Ta spera di por conta cu nan sosten, mirando e reaccion positivo cu RAIZ a haya. E ta sigur di por conta cu comunidad pa sigui implementa e diferencia y vision.

Awe tabata prome bes cu nan a sali como ekipo pa campaña, unda Madiki tabata e prome bario cu nan a bishita. Den e proximo dianan nan lo ta riba bais unda tin Cosechando Tour. Ta drenta den tur e barionan p’asina comparti informacion di RAIZ, bishita e casnan. N’e forma ey tur hende por haya sa kico ta nan plan, e proyectonan cu tin.

Tambe nan ta bay tene diferente actividad den luna di november, pero ta cuminsa otro siman diamars cu e prome actividad. E actividad aki ta pa reconoce hende muhe, caminda cu tur cinco hende muhe cu ta forma parti di e plataforma lo comparti kico nan ta para p’e.

Facebook live link: https://fb.watch/vqB9naj2aj/

Misha Raymond, lider di fraccion RAIZ den Parlamento di Aruba, a indica cu nan tabata bon ricibi den su bario di Madiki. Pa loke tabata trata su sentimentonan, esaki tabata uno bon pasobra e por a cana un biaha mas den e cayanan cu e tabata cana tempo e tabata chikito.

Loke e tabata scucha hopi di pueblo tabata pa bay p’e y sigui cu loke nan ta haciendo. Por a mira con hende tabata sali pafo y papia cu nan. Nan tabata indica di mira cu RAIZ a demostra di hacie diferente y e partido kier bin cu cambio real, ta sigui bin cu nan.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img img{margin:0 auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *