Parlamentario mr. Vrolijk (MEP): Interes politico a perhudica cambio den constitucion

Durante un conferencia di prensa diaranson mainta, politico mr. Edgard Vrolijk a enfatisa cu tabata papiando como un parlamentario y no como e presidente di Parlamento ora cu el a papia di leynan cu el pusha for di hopi tempo caba.

“Mi ta kere cu den mi trayectorio como parlamentario, semper mi a papia di e importancia di democracia, di reenforsa nos conocemento, pero sigur tambe reenforsa cual ta nos instancianan na Aruba pa nos tin un miho gobernacion,” asina e parlamentario a cuminsa na bisa.

Un ley cu mr. Vrolijk mes a bin cu ne y tabata 23 aña den lachi prome cu a keda concretisa ta e ley di financiamento di partido politico. A percura pa ehecuta esaki na 2020. Otro ta e ley di screening integridad minister cu na 2015 a pasa, pero mas bien tabata un ley fofo cu gobernador no a ratifica. El a mand’e bek pa Raad van Advies y bisa destrui esey. Como parlamentario, mr. Vrolijk a coy esaki y a percura pa desde 2021  tin un ley di screening di minister cu ta basta amplio y pisa.

Mr. Vrolijk: “Na momento cu tabatin cambio di constitucion anja pasa, nos mester dos tercer parti di voto di parlamento. Mi ta lamenta cu no tabatin madures politico y beneficio partidista a causa daño. Den cambio di constitucion tabatin e verzelfstandiging di Parlamento. Desde 1992, professor Botting di Tweede Kamer a percura pa bin cu full un rapport di kico mester cambia. Y ta haci 30 aña cu ainda no por tuma un decision. Tur esey tabata hinca den cambio di constitucion cu a laga un banda.”

Pa e relato completo, lesa edicion di TREMPAN