Parlamentario di St. Maarten kier mira desmantelacion di Reino Hulandes

Diahuebs tabata e di dos dia di e InterExpo na Den Haag, Hulanda, unda cu e parlamentario di St. Maarten, Grisha Heyliger-Marten a cuestiona statuut y e manera con a crea dicho statuut.

For di comienso caba e statuut tabata tin un par di deficit democratico y Heyliger-Marten a indica cuater pa cinco diferente articulo den e statuut, cu tabata puntonan critico den elaboracion di e statuut. Segun Heyliger-Marten, despues el a bin bek den presente, di con por prueba cu for di tempo di e elaboracion di statuut, cu e salida di Surinam y Aruba cu su Status-Aparte, cu ainda ta papiando di e Geschillenregeling, ta papiando di COHO y awo ta sclavitud.

A trece algun echo local padilanti y aki el a indica cu na St. Maarten tabata tin un fundacion yama Pro Sualiga cu a hiba estado Hulandes corte y Hulanda a admiti cu nunca nan no a decolonisa e pais y St. Maarten a hiba Hulanda dilanti di Nacionnan Uni. Eynan tambe a menciona e deficit democratico den Reino Hulandes y tambe e discriminacion contra di e pueblo den tempo di e pandemia di COVID-19.

Basa riba esaki, e parlamentario a indica cu, mester wak riba tur esaki y puntra nan mes si nan kier sigui forma parti di Reino of lo kier sigui forma parti di Reino como un partner igual basa riba leynan internacional of lo bandona  Reino Hulandes y bay riba nan mes.

Pa un relato mas amplio lesa TREMPAN