Parlamentario di MEP mal staciona: Aruparking a pone sticker riba su auto

For di algun dia caba Aruparking a reactiva nan operacion den centro di ciudad. A cuminsa plak sticker riba auto mal staciona. Director di Aruparking, Mohamed cu ta resorta bou di Minister Ursell Arends (RAIZ) a anuncia cu pronto Aruparking lo reparti multa p’e chauffeurnan cu nan auto ta mal staciona.

E funcionarionan di Aruparking a pone sticker riba auto di parlamentario y alabes presidente di partido MEP, Ricky Hoek. Como representante di pueblo den e organo mas halto di pais Aruba, e parlamentario a lubida cu e tin un ‘voorbeeld functie.’

E sticker riba e parlamentario su auto tabata mas bien pa conscientis’e cu Aruparking ta ON bek. El a para den un vak cu no ta permiti pa auto, na Parlamento di Aruba. Hoek ta core un Toyota Rush color biña numera A-560. Locual ta di remarca ta cu e propio partido, MEP, tabata masha contra cu Aruparking tempo nan tabata den oposicion.

E tempo ey MEP a vocifera cu “Aruparking ta mata comercio.” Tambe a yeg’i bisa cu: “Ora MEP drenta gobierno, lo elimina parkeermeter.” Sinembargo awo cu nan ta den gobierno, a anuncia dia 5 di october 2022, cu pa otro aña lo activa parkeer meter bek y hasta lo reparti multa pa auto mal staciona. Pa lesa mas subi TREMPAN.