Papa emerito Benedict XVI a fayece

E Papa Emerito Benedict XVI a fayece awe, 31 di december 2022, cu su 95 aña den e monasterio Vaticano unda e tabata residi desde su historico renuncia na 2013. Su entiero ta tuma luga otro siman, di forma sobria y solemne, siguiendo su boluntad.

“Cu pesar mi ta duna di conoce cu e Papa emerito Benedicto XVI a fayece pa 9:34 am den e Monasterio mater Ecclesiae dje Vaticano”, asina e Santa Sede a confirma, den un comunicado traduci den seis idioma.

Papa Benedict XVI su nomber mes tabata Joseph Aloisius Ratzinger. El a nace dia 16 di april 1927 na Marktl y a fayece dia 31 di december 2022 na Ciudad di Vaticano. Ora e tabata cardinal di misa, e tabata presente na tres conclave: e prome tabata na augustus 1978, di dos na october dje mesun aña y di tres na 2005, ora a scoge como papa. El a bira sucesor di Papa Juan Pablo II. Papa Francisco a bira su sucesor.

Dia 28 di februari 2013 el a renuncia como papa y a asumi e titulo di papa emerito, cu e intencion di dedica na oracion y retiro spiritual.

ULTIMO TRES DIA DI RATZINGER

E preocupacion p’e estado di salud dje papa y teologo Aleman a bini diaranson dia 28 di december ora su sucesor, Francisco, a reconoce cu e tabata “hopi malo” y a pidi “un oracion special” n’e fielnan cu tabata asisti su audiencia general.

Poco despues, e vocero di Santa Sede, Matteo Bruni, a confirma e situacion di Benedicto XVI a bira “pio door di su edad avansa.” E secretario dje pontifice emerito, Monseigneur Georg Ganswein, a afirma diferente biaha den e ultimo añanan cu esaki tabata manera “un bela cu ta paga pocopoco y serenamente. Na januari lo publica su memoria di su dos decada di servicio.

Un dia despues, Santa Sede a sigura cu Benedict XVI a “logra pasa un bon anochi, tabata absolutamente magnifico y atento” y tabata “stabiel” aunke dje gravedad. Un situacion cu a sigui dia 30 di december, ora el a presenta condicion “stabiel” y por a asisti un misa teni den su camber.

Sinembargo, Benedict XVI compaña cu e oracionnan den tempo di henter planeta, tabata enfrenta caba su ultimo oranan di bida. Incluso e vocero a sigura cu diaranson e Aleman a ricibi Santa Olio.

ENTIERO TA DIAHUEBS

Bruni a confirma e “noticia tristo” y cu e proximo pasonan ta cu dialuna e restonan mortal dje papa emerito ta reposa den kapel dje basilica di San Pedro. E entiero ta tuma luga diahuebs, 5 di januari. Benedict XVI a pidi como su ultimo boluntad pa su entiero ta mas sensico posibel, solemne.”