Pa traficacion di hende a tene entrada hudicial na San Nicolas

Mainta trempan a tuma luga un entrada hudicial na San Nicolas. Esaki tabata relaciona cu un investigacion di mensenhandel/smokkel. A bishita diferente adres, pero no a detene ningun persona. Pero no ta descarta cu den un futuro cercano lo tuma luga algun detencion.

E ristamento a tuma luga den seis adres na Rembrandtstraat y un na Caya Guadeloupe. E entrada hudicial a tuma luga pa 5:30 di mainta, unda cu team di recherche y fiscal a yega na e shete adresnan. A haci esaki bou ordo di Ministerio Publico.

E cayanan cu a bishita ta esunnan cu tin e muhenan di bida ta traha. A bay eynan pa motibo cu ta sospecha cu tin hende indocumenta ta traha eynan. N’e adres di Caya Guadeloupe a busca doño di un di e barnan, pero no a hay’e.

Autoridad a cera e cayanan den e area p’asina ningun persona por a drenta ni sali, mientras cu e investigacion tabata tumando luga.