Otro aña Brighter Future Academy ta cuminsa cu 25 alumno

Brighter Future Academy ta un scol pa mucha cu cierto limitacion. Ta cuminsa cu cinco klas di cinco alumno c’un leidster.

Uleike Tromp, presidente di Brighter Future Academy, a splica cu ceramento di un scol na Noord, varios mucha a keda sin un scol. Esey a pone cu hopi mayor a keda preocupa a acerca su persona. A bin cu e scol aki cu e meta pa duna e muchanan e atencion necesario. Tur programa ta traha a base di necesidad di tur mucha, habilidad y nivel.

E muchanan por ta nan mes na Brighter Future Academy. Segun Tromp, nan ta bay traha via e muchanan motivacion den un ambiente hopi safe, pero na mes momento nan ta siña y pasa momento agradabel.

Nan kier traha cu otro profesional manera logopedista, psicologo, mayor. Tambe nan ta kere profundamente di traha hunto por logra un futuro briyante p’e muchanan.

Sonaly Acosta, mama boluntario activo, a splica cu su yiu Atina Fernandez tin down syndroom y na momento cu el a cumpli cuater aña a cuminsa cu e proceso pa busca un scol special p’e. Acosta a realisa n’e momento ey con limita aki na Aruba ta p’esaki. Su yiu a haya e diagnostico cu e tin di bay Bibito Pin, pasobra e no ta apto pa ta den un scol regular (regulier school) y a bay riba lista di espera.

E momento ey Acosta a dicidi di continua den un early intervention di un scol priva. E grupo ta grandisimo di mucha cu no ta apto pa sigui les of sinta den un scol, pero si tin capacidad pa capta y den futuro desaroya nan mes.

Pa mas informacion Lesa mas den TREMPAN.