Organisado y patrocinado a celebra di dos edicion di Buki di Pret

Diabierna, dia 4 di november, durante un recepcion festivo Buki di Pret Aruba a trece hunto tur su patrocinado- y organisacionnan cu a participa durante e 2ndo edicion di Buki di Pret. E aña aki, 9.000 muchanan di scol por a disfruta di mas di 60 diferente actividad riba e isla pa medio di nan Buki.

“Nos ta hopi agradecido pa boso participacion y espirito comunitario pa e Buki di Pret na Aruba. Danki na boso actividadnan, nos por a ofrece un vakantie grandi yen di diberticion pa hopi mucha cu di un otro manera lo no tabata posibel.” Kitty van der Knaap, e iniciado, a bisa den su discurso di gradicimento.

Durante e reunion, e ekipo tras di Buki di Pret no solamente a wak bek pa recorda e exito di zomer pasa, sino tambe mira pa futuro, encuanto e di tres edicion di Buki di Pret: “Naturalmente, nos ta spera di topa otro bek e aña binidero den nos buki y duna bon bini na hopi mas organisacion”.

Un buki gratis cu actividad y oferta pa mucha

Buki di Pret ta un buki gratis yen di actividad y oferta dibertido, sorprendente y educativo, valido durante vakantie grandi, specialmente pa e muchanan di scol primario na Aruba.

E zomer pasa, nos calendario di actividad tabata tin mas di 100 momento di diversion durante vakantie grandi. A realisa 4.000 Buki di Pret p’e muchanan di Aruba durante e vakantie grandi.

Mas diversion cu ta posibel durante vakantie grandi

E obhetivo di Buki di Pret ta pa ofrece un cantidad grandi di mucha na Aruba entre seis y diestres aña un temporada di vakantie grandi dibertido. E buki ta ofrece un variedad enorme di e actividadnan: desde deporte y momento relahante te cu actividad creativo y educativo. Tambe tin actividad cu animal y oferta di cuminda y bebida.

Sin organisacion y asociacion local, no tin buki

E empresario-, e organisacionnan, e fundacion- y e asociacionnan di Aruba por participa cu un ayudo financiero chikito y organisa un actividad atractivo y accesibel pa tur hende. Banda di e organisacionnan activo aki, Buki di Pret tambe ta ricibi e apoyo di varios patrocinado. E organisacionnan cu tambe kier contribui na Buki di Pret 2023 ta keda cordialmente invita pa tuma contacto cu e iniciadonan via di: [email protected]. Para mas informacion tocante Buki di Pret, bishita: www.facebook.com/bukidipretaruba.