Omaira Lares (DRH): Tin dies funcionario publico ta cobra salario sin traha

A cuminsa na aña 2018 cu un grupo di mas of menos 80 pa 82 persona cu tabata non-actief, segun director di Departamento di Recurso Humano (DRH), Omaira Lares.

N’e momento aki tin dies hende riba e lista di overtolligheidspoel. Ta hende cu durante aña pa motibo di salud no por traha mas, sea cu problema psikico. Lares a sigui splica cu no por pone e personanan aki den un departamento y esaki no lo gusta ya cu un persona por tin problema cu salud mental. E problema aki no ta toca sector priva so, pero tambe e aparato publico.

Entre e dies hendenan aki cu ta ‘hardnekkig’ pa ubica nan, ta hende cu tin algo cu DRH no por ubica nan mas.

Tin dos of tres ta bayendo ainda den e proceso ey. Tin un beleidsnota cu ta indica cu sea e personanan cu ta non-actief of ‘niet in tegergedrag’.

Ora cu e personanan aki t’ey pa cualkier motibo, si un persona a bira non-actief, con ta bay gui’e cu e tin cu bay traha bek. Den sentido cu exigencianan fuerte, cu despues di tres funcion cu no tuma pa cualkier motibo, ta dun’e su retiro, Lares a indica.

E otro ta ‘niet in tegengedrag’, cu ta nifica cu si tin un hende cu pa cualkier motibo cu a haya schorsing of a prohibie entrada, ta keda cas. Den esey tambe lo atende cu ne. Ta purba na cera tur e entradanan pa un hende bira of keda non-actief, Lares a splica por ultimo

Pa lesa mas subi TREMPAN.