News

Ocho partido buscando firma pa bay eleccion

.tdi_9.td-a-rec{text-align:center}.tdi_9.td-a-rec:not(.td-a-rec-no-translate){transform:translateZ(0)}.tdi_9 .td-element-style{z-index:-1}.tdi_9.td-a-rec-img{text-align:left}.tdi_9.td-a-rec-img
img{margin:0
auto 0 0}@media (max-width:767px){.tdi_9.td-a-rec-img{text-align:center}}

Na tur e filialnan cu Conseho Electoral a habri pa e partidonan nobo por manda nan hende pa busca firma. A habri na ora y tur cos ta canando bon.

.tdi_8.td-a-rec{text-align:center}.tdi_8.td-a-rec:not(.td-a-rec-no-translate){transform:translateZ(0)}.tdi_8 .td-element-style{z-index:-1}.tdi_8.td-a-rec-img{text-align:left}.tdi_8.td-a-rec-img
img{margin:0
auto 0 0}@media (max-width:767px){.tdi_8.td-a-rec-img{text-align:center}}

For di 9:00 am te cu 8.30 pm ciudadanonan por acudi pa firma pa un di e ocho organisacionnan politico cu ainda mester firma pa por participa den e eleccion di dia 6 di december awo.

Na Censo dependance na Playa a topa cu e lider nobo di PPA, Otmar Oduber, kende hunto cu algun candidato tabata presente pa mira e proceso y atrae persona pa pone nan firma cu nan por participa den eleccion.

Oduber a papia di e diferente puntonan di preocupacion cu nan tin, unda cu e grandinan di e isla ta loke ta den nan curason.

E partidonan mester di 586 firma pa participa den e eleccion. Tur e partidonan cu mester busca firma no a logra pasa un lista cu mas di dies candidato.

Tur e partidonan aki tin un siman di tempo pa yega na e cantidad di firmanan necesario. E luganan unda por pasa basha firma ta:

Por haci esaki n’e siguiente luganan:

1. Dependance Censo @ L.G Smith Boulevard 66

2. HBK Noord

3. HBK Savaneta

Na e sitio tambe tabata presente candidato di FUTURO Jeremy Erasmus, kende tabata compaña pa Geoffrey Wever, e candidato no. 2 riba e lista. El a expresa di ta hopi anima y contento cu e lista profesional cu nan a presenta.

Otro presente tabata Ricardo Croes, kende a bisa cu e eleccion aki ta uno importante mirando e desaroyonan cu tin. El a pidi e votadonan pa pone hopi atencion na loke ta trece dilanti. Ta pidi pa un campaña limpi y liber di problema.

Arondino Croes, no 2 di Curpa, tabata eynan pa vigila e situacion. E ta kere cu tin pa cana pa tur y e tera ta fertil pa CURPA haya e apoyo necesario y contribui na desaroyo di Aruba. Mester bin un transformacion real. Y a pidi pueblo yuda e partidonan aki haya e firma necesario y duna nan e derecho pa participa y ofrece algo otro na e pueblo na Aruba. “Cu democracia keda bibo.”

Gilbert Webb tabata para banda di caminda cu un borchi buscando firma. “Mi so no por. Yuda nos bay eleccion y haci un diferencia,” el a bisa.

Pa por firma mester yega cu un identificacion valido.

E partidonan cu mester di firma ta: CURPA, RED, FUTURO, MIA, HTC, UPP, LPR y PPA.

.tdi_10.td-a-rec{text-align:center}.tdi_10.td-a-rec:not(.td-a-rec-no-translate){transform:translateZ(0)}.tdi_10 .td-element-style{z-index:-1}.tdi_10.td-a-rec-img{text-align:left}.tdi_10.td-a-rec-img
img{margin:0
auto 0 0}@media (max-width:767px){.tdi_10.td-a-rec-img{text-align:center}}

Comment

Your email address will not be published. Required fields are marked *