Charla : OBESIDAT (GORDURA) TA UN MALESA ?

Djamars 11 di OKTOBER 2022.

        na Sentro di Bario Souax

Fundashon Pro Souax, Sentro di Bario Souax i Sentro Médiko Souax ta anunsiá na habitante di Souax, Zegu, Gato i bisindario i tur otro interesado, kontinuashon djamars awor 11 di òktober di e siklo di charla riba salú i kuido di salú. Dr. Octavio Oliva dòkter di famia pa bario di Souax e luna aki lo sigui amplia riba e tópiko di OBESIDAT / GORDURA  i lo amplia riba e pregunta: OBESIDAT TA UN MALESA?  Bin skucha e informashonnan balioso riba e tópiko aki pa abo tambe  ta mas konsiente kon kuida bo salú aun mas mihó.
Den e próksimo lunanan dr. Oliva lo trata diferente tema relashoná ku e tópiko di obesidat òf gordura. Entre otro lo duna informashon riba e tópikonan: – Kon evita pa bira gordo. – Mi ta gordo pero no por baha peso. – E bèrdat di dieta. – Ehersisio pa baha peso. – Dòkter mi ta gordo i ke operá.
Bo ta gordo i bo ke komprondé dikon esei ta e kaso? Bo no ta gordo pero ke sa kon kuida pa mantené bo peso abou? Bo ke komprondé pa abo komo famia/amigu por sostené e persona ku ke baha di peso?
Bin skucha djamars awor 11 di òktober e interesante charla “OBESIDAT (GORDURA) TA UN MALESA ? na enkargo di dr Octavio Oliva.
E charla ta tuma lugá na Sentro di Bario Souax i ta kuminsá shet’or di anochi i lo dura te ku mitar di nuebe. Entrada ta grátis. Durante e charla lo tin amplio oportunidat pa hasi pregunta.

 

Charla riba tópiko di salú públiko

Tópiko   : “OBESIDAT (GORDURA) TA UN MALESA ?”

                                 Oradó   : Dr. Oliva

Dia       : Djamars 11 di OKTOBER 2022

Ora       : Shet’or pa mitar di nuebe di anochi  (19.00 – 20.30)                              

Lugá     : Sentro di bario Souax

Entrada : GRÁTIS