Normanan nobo pa kalidat di airu
Willemstad – Resientemente kolaboradónan di maneho enkargá ku kalidat di airu di Ministerio di GMN i di Departamentu di Asuntunan Hurídiko a presentá na Minister Pietersz- Janga e normanan nobo pa kalidat di airu. Formulashon di e normanan nobo a sosodé konforme un veredikto di Wes relashoná ku un kaso den Korte di Clean Air Everywhere kontra Ministerio di GMN. E normanan nobo aki ta di sumo importansha paso esaki ta bira e normanan ku operadó di nos refineria mester tene e kompania na dje.
Riba potrèt por mira na man drechi Minister Pietersz- Janga huntu ku miembronan di su kabinete i tim di maneho di Ministerio di GMN i na man robes kolaboradónan di Ministerio di GMN i di Departamentu di Asuntunan Hurídiko.
